Një bestseller ndërkombëtar, libri “Lojërat e urisë” ka në qendër 16-vjeçaren Katnis, e cila jeton në Panem, një vend në Amerikën Veriore të periudhës post-apokaliptike. Kapitoli, metropoli i vendit, ushton një kontroll të rreptë në të gjitha zonat e tjera të vendit. “Lojërat e urisë” është një aktivitet i përvitshëm, ku një djalë dhe një vajzë të moshës 12-18 vjeç nga secili prej 12 rajoneve, zgjidhen nga një lotari për të konkurruar në një betejë deri në vdekje, e cila transmetohet në televizion. Libri në përgjithësi mori kritika të mira, por disa kritikë letrarë gjetën ngjashmëri mes tij dhe librit të një autori japonez. “Lojërat e urisë” është përkthyer në 26 gjuhë, ndërsa ekranizimi i tij vitin e kaluar pati sukses të jashtëzakonshëm financiar.

Lojerat E Urise

“Vajza e zjarrit” është vazhdimi i romanit “Lojërat e urisë”. Kundër çdo parashikimi, Katnis i fitoi “Lojërat e urisë”. Ajo dhe Pita janë të dy gjallë. Katnis duhet të ndihet e lehtësuar, madje e lumtur. Tek e fundit, ajo u kthye në familjen e saj dhe tek shoku i saj i përjetshëm, Geil. Por përsëri asgjë nuk është ashtu siç ajo do të dëshironte: Geil është ftohur dhe i rri larg, Pita i ka kthyer shpinën dhe ka zëra për një komplot të mundshëm kundër Kapitolit, një rebelim që ajo vetë dhe Pita kanë ndihmuar për t’u krijuar. Katnis ka ndihmuar në krijimin e një situate që nuk është e sigurt nëse mund ta ndalojë dhe çfarë e shqetëson më shumë është se nuk është e sigurt edhe nëse duhet të përpiqet ta bëjë. Ndërsa afrohet koha për t’u kthyer në Kapitol, Katnis dhe Pita duhet të provojnë se janë të dashuruar me njëri-tjetrin, ndryshe pasojat do të jenë të tmerrshme.

Vajza E Zjarrit

“Emri im është Katnis! Pse nuk kam vdekur? Unë duhej të kisha vdekur”. Katnis, vajza e zjarrit, ka arritur të mbijetojë, edhe pse shtëpia e saj është shkatërruar. Geil është arratisur, familja e saj është e sigurt, Pita është kapur rob nga Kapitoli, Rajoni 13 në të vërtetë nuk ekziston. Tashmë ka drejtues të rinj. Revolucioni ka nisur! Katnis arriti të shpëtonte nga arena dhe, pa e ditur, ka qenë pjesë e revolucionit prej një kohe të gjatë. Rajoni 13 u shfaq si hije dhe kërkon të pushtojë Kapitolin. Me sa duket, të gjithë kanë pasur dorë në organizimin e planeve, përveç Katnis.

Lista e librave të autorit Suzanne Collins

Lojerat E Urise

Vajza E Zjarrit

Panemi Grifsha

Lojerat E Urise

Vajza E Zjarrit

Panemi Grifsha